فينك يا شاشية عزيزي و يا تقريطة ماما ..فينك يا كدرون و يا برنوس و يا قشبية فينك يا فوطة و بلوزة و فينك يا لبستي الحمامية و كبوسي المزيان .. كلو مشى و تمحى بعد ما جاتني لحفة كحلة و قميص ..ملا تونس و ملا هي باش تقلي الرسول كان يلبس القميص صلى الله عليه و سلم نقلك اغزر لاندونيسيا و الصين و الهند و كل الدول الي فيها مسلمين ملتزمين محافظين على لبستهم التقليدية على خاطر الحكاية ماهيش حكاية دين و لكن حكاية تاريخ كل بلاد و احنا ماناش السعودية و ماناش قطر أحنا تونس الغالية بالوانها الزاهية و ترابها الثاري ..فيق راك تونسي ..مسلم صحيح لكن تونسي .. مسيحي صحيح ..يهودي صحيح .. أما راك تونسي اتفقنا
سمية بالرجب
Aucun commentaire:
Enregistrer un commentaire