أنا
تونسية مرا قوية جدتي عليسة و أمي أروى القيروانية تربيت على حب بلادي و في قفة
فضيلة هزيت سلاح للثوار باش يخرجو الحماية الغاشمة الفرنساوية .. أنا تونسية تربيت
على العمل و العلم في كل أنحاء الجمهورية أنا التونسية علمت أولادي و شقيت عليهم
في الدار ايدي في ايد راجلي نمشيو سوية .. أنا التونسية ربيت أولادي على القيم و
حب الراية الوطنية طلعوا صناديد و قالوا أمي الخضراء نفديوها بالروح و بدماءنا
الزكية .. أنا التونسية قلبي حديد ترفعت على الأكتاف و هتفت بأعلى صوت تحيا
الكرامة و العزة التونسية .. أنا التونسية من بوزيد من الشيرة القبلية هبيت كيف
ريح قوية على العدوان و الانتهازية هزيت راسي الفوق و قلت أنا مرا في الدول
العربية و ناديت بأعلى صوتي اسمعوني يا ناس جملية كيما بديت نكملو الثورة على فرد
ثنية لا ظلامية و لا رجعية ... أنا الوردة التونسية.
 |
| سمية بالرجب و العلم التونسي |
سمية بالرجب
Aucun commentaire:
Enregistrer un commentaire